“Глоб Интернэшл” төрийн бус байгууллага Дэлхийн Хэвлэлийн Эрх Чөлөөний Өдөрт (ДХЭЧӨ) зориулсан кампанит ажлыг “Бид үнэнийг хэлэхийг хүсэж байна. Гэвч...” уриан дор олон нийтэд чөлөөт, бие даасан мэдээллийн хэрэгслийн чухлыг ойлгуулах, мэдрүүлэх зорилготойгоор  зохион байгуулж байна.
          2009 оны 4 дүгээр сарын 15-наас 5 дугаар сарын 15-н хүртэл хугацаанд Монгол Улсын Үндсэн Хууль, Хэвлэл, Мэдээллийн Эрх Чөлөөний Хууль, vзэл бодлоо илэрхийлэх эрх чөлөө, олон нийтийн мэдэх эрх, бие даасан, чөлөөт хэвлэл, мэдээллийн хэрэгслийн талаарх олон улсын тунхаглалуудаас иш татсан үгнүүдийг агуулсан самбаруудыг Энх тайвны өргөн чөлөөнд Төв Шуудангаас Зүүн дөрвөн зам, 25 эмийн сангаас Саппора, Их тойруугийн Сансар хороолол, ГССЗЭ-ийн  арын гудамжуудад 8 төрлийн 188  ширхэг зурагт хуудсыг сурталчилгааны  самбарт байрлуулан олон нийтэд үзүүлж байна.