Сэтгүүл зүйн судлаач, доктор Т.Баасансүрэнгийн “Монголд чөлөөт ардчилсан хэвлэл бүрэлдэн төлөвшсөн нь” хэмээх томоохон хэмжээний нэг сэдэвт судалгааны зохиол хэвлэгджээ. Энэ бүтээл нь “ХХ зууны эхэн үеийн Монголын чөлөөт хэвлэл” /I ба II хэсэг/, “1921 оны Ардын хувьсгал ба Монголын хэвлэлийн цаашдын хөгжил”, “1990 оны ардчилсан хувьсгал ба Монгол дахь чөлөөт хэвлэлийн хөгжил, түүний цаашдын төлөв”, “Монголын чөлөөт хэвлэлийн хөгжилд үндэсний сэтгүүлчдийн уран чадвар нөлөөлсөн нь” гэсэн дөрвөн дэвтрээс  бүрджээ.
Сэтгүүл зүй судлаач Т.Баасансүрэн Монголын чөлөөт ардчилсан сэтгүүл зүйн үүсэл, хөгжил, төлөвшлийн асуудлыг манай орны сэтгүүл зүйн 100 орчим жилийн түүхэн туршлага, нийтлэлийн төрөл зүйл, ур чадварын уламжлал, шинэчлэлийн үйл явцыг нарийвчлан судалж, үнэлэлт дүгнэлт өгсөн байна.