2008 онд байгуулсан “Шударга сонгуулийн төлөө иргэний нийгмийн хяналт” сүлжээ  Улсын Их Хурлын 2012 оны сонгуулийн үйл явцад хийх мониторингоо албан ёсоор эхэлж байгаагаа зарлалаа. 

Монголын сэтгүүлчид мэргэжлийн эрхээ хэрхэн эдэлж буй, тэдний олон нийтийн өмнө хүлээсэн үүрэг, хариуцлагаа шударгаар биелүүлэх боломж нь аль хэр байгааг баримтад тулгуурлан монголын хэвлэлийн эрх чөлөөний өнөөгийн дүр төрхийг харуулах зорилгожил Монголын хэвлэлийн эрх чөлөөний тайлан бэлтгэдэг юм.

ЮНЕСКО,  2012 оны Хэвлэлийн эрх чөлөөний өдрийг “ШИНЭ ДУУ ХООЛОЙ: Хэвлэлийн эрх чөлөө нийгмийн өөрчлөлтөнд хувь нэмэр оруулах нь“ сэдвийн дор тэмдэглэхийг уриалж НҮБ-ын ерөнхий нарийн бичгийн дарга Бан Ки-мүүн, НҮБ-ын хүний эрхийн комиссар Нави Пиллей, ЮНЕСКО-гийн ерөнхий захирал Ирина Бокова нар  дэлхийн улс орнуудад хандан ХАМТАРСАН ИЛГЭЭЛТ гаргажээ.

Үзэл бодлоо илэрхийлэх эрх чөлөөний гол цөм болсон мэдээллийн болон үзэл бодлын чөлөөт урсгалыг амьдралд хэвшүүлэх агуу хэрэгсэл болох Интернетийн ач холбогдол асар хурдтай нэмэгдэж буйг хүлээн зөвшөөрч НҮБ-ын Үзэл бодлын эрх чөлөөний тусгай илтгэгч, Европын аюулгүй байдал, хамтын ажиллагааны байгууллага (OSCE)-ын хэвлэл мэдээллийн эрх чөлөөний төлөөлөгч болон Америкийн муж улсуудын байгууллага (OAS)-ын үзэл бодлын эрх чөлөөний тусгай илтгэгч  нар  2005 оны 12-р сарын 21-ний өдөр Хамтарсан тунхаглал баталсан юм.

“Глоб Интерэншнл” ТББ, Монголын сэтгүүлчдийн эвлэл, Хэвлэлийн хүрээлэн хамтран 2011 оны 5 дугаар сарын 1-ний өдрийн 14,30 цагт Нээлттэй нийгэм форумын хурлын танхимд  “ШИНЭ ДУУ ХООЛОЙ: Хэвлэлийн эрх чөлөө нийгмийн өөрчлөлтөнд хувь нэмэр оруулах нь” дугуй ширээний ярилцлага зохион байгуулна.

Дэлхийн хэвлэлийн эрх чөлөөний өдрийг тохиолдуулан хэвлэлийн эрх чөлөөний ач холбогдлыг олон нийтэд ойлгуулах, түүнийг хэрхэн бэхжүүлэх, шинэ орчинд хэвлэл мэдээлэлд тулгарч буй бэрхшээлүүдийг хэрхэн шийдвэрлэхээ олон нийтээрээ хэлэлцэх зорилгоор “ЧӨЛӨӨТ ХЭВЛЭЛ гэж ЧӨЛӨӨТ АРД ИРГЭД-ийг хэлнэ” онлайн хэлэлцүүлэг зохион байгуулж эхэллээ.

“Хил хязгааргүй сурвалжлагчид” олон улсын байгууллага Кибер орчин дахь цензурын эсрэг дэлхийн өдөр - 3-р сарын 12-нд  “Интернэтийн дайсан” тайлан гаргаснаа олон нийтэд танилцууллаа.

Манай байгууллага 2010 оны сүүлээс эхлэн сэтгүүлчийн мэргэжлийн эрхийн зөрчлийн талаар мэдээлэл хүлээн авдаг “Өөрөө мэдээлэх систем” (Selfalerting) нэвтрүүлсэн билээ. Уг системийг цаашид боловсронгуй болгохын тулд бид сэтгүүлч, хэвлэл мэдээллийн байгууллагын ажилтнуудаас санал авч байна. Та саналаа ирүүлнэ үү!

Харилцаа холбооны зохицуулах хороо “Телевиз, радиогийн өргөн нэвтрүүлгийн зохицуулалтын ерөнхий нөхцөл шаардлага”-ад заасан үүргийнхээ дагуу  Улаанбаатар хотод  телевиз, радио, олон суваг дамжуулах үйлчилгээ (КаТВ, АйПиТВ, Мобайл ТВ)  эрхлэх тусгай зөвшөөрөл эзэмшигчид, хөрөнгө оруулагчдын  талаарх мэдээллийг олон нийтэд зарлаж байна.

Хүн худалдаалахаас урьдчилан сэргийлэх, таслан зогсоох, шалтгаан нөхцөлийг нь тогтоон арилгах, хохирогчийн эрхийг хамгаалахтай холбогдсон харилцааг зохицуулах энэ хуулийн 8 дугаар зүйлд хэвлэл мэдээллийн байгууллагад  үүрэг ногдуулж хүлээлгэх хариуцлагыг хуульчилсан байна.