“Глоб Интернэшнл” төрийн бус байгууллага, Гёте институт, Блэк Бокс театр хамтран 2011 оны 7-р сарын 8-ны 20.30 цагт Монголд анх удаа “Бэсрэг киноны үдэш” арга хэмжээ зохион байгуулах гэж байна. 

УИХ-ын чуулганы  2011 оны 6 дугаар сарын 16-ны өдрийн  хуралдаанаар "Мэдээллийн ил тод байдал ба мэдээлэл авах эрхийн тухай хууль"-ийг баталлаа. Уг хуулийн зарим заалт ирэх 12 дугаар сарын 1-нээс хэрэгжинэ.

УИХ-ын хоёр бүрэн эрхийн хугацаа дамжиж таван жил хүлээлгэсэн “Мэдээллийн ил тод байдал ба мэдээлэл авах эрх, эрх чөлөөний тухай” хуулийн төслийг УИХ-ын чуулганы өнөөдрийн /зургадугаар сарын 16/ үдээс өмнөх нэгдсэн хуралдаанаар хэлэлцэн баталлаа.

 “Улаанбаатар таймс” сонины ерөнхий эрхлэгч, Монгол Улсын Соёлын гавъяат зүтгэлтэн, Азийн сэтгүүлчдийн холбооны дэд ерөнхийлөгч, МСНЭ-ийн Гүйцэтгэх зөвлөлийн гишүүн Долгорын Чулуунбаатарыг цагдан хорьж байгаатай холбогдуулан Олон улсын сэтгүүлчдийн холбоо, Азийн сэтгүүлчдийн холбооноос мэдэгдэл ирүүллээ. 

2010 онд Монголын хэвлэл мэдээлэл, мэдээллийн эрх зүйн салбарт бодлого, зохицуулалтын олон баримт бичиг, дүрэм журам батлагдаж, хуулийн төсөл боловсруулснаараа онцлог боллоо. Орчин үеийн мэдээллийн шинэ технологийн хөгжил, уламжлалт хэвлэл мэдээллийн хэрэгслийн цахимжилт, шинэ хэвлэл мэдээллийн хурдацтай дэвшил, хэвлэл мэдээллийн хэрэгслийн тоо, ялангуяа өргөн нэвтрүүлгийн хэрэгслийн тоо нэмэгдэж буй зэрэг нь ийм хэрэгцээ шаардлагыг тодорхойлж байна.

“Улаанбаатар таймс” сонины ерөнхий эрхлэгч, сэтгүүлч  До.Чулуунбаатарыг  цагдан хорьж байгаатай холбогдуулан  “Глоб Интернэшнл” ТББ-ын тэргүүн Х.Наранжаргал  2011 оны 5-р сарын 24-нд Монгол Улсын Ерөнхийлөгч Цахиагийн Элбэгдоржид  албан захидал явууллаа.

“Глоб Интернэшнл” ТББ ХЗДХЯ-ны Төрийн нарийн бичгийн дарга Г.Баясгаланд хандаж  үзэл бодлоо илэрхийлсэний төлөө Эрүүгийн хуулиар шийтгэл ногдуулдаг одоогийн практикийг халж, хуульд зохих нэмэлт өөрчлөлт оруулна гэдэгт найдаж байгаагаа илэрхийлэн албан бичиг хүргүүллээ.

Монгол Улсын Ерөнхийлөгчийн Тамгын газар 2011 оны 5-р сраын 2-ны өдөр  “Иргэний танхим”-д “Хэвлэл мэдээллийн эрх чөлөөний тухай хууль”-ийн шинэчилсэн найруулгын  төслөөр хэвлэл, мэдээллийнхэн,  иргэний нийгмийн байгууллагуудын төлөөлөгчид, судлаачдын дунд нээлттэй хэлэлцүүлэг зохион байгуулсан.

“Freedom House” олон улсын байгууллага  2011 оны 5-р сарын 2-нд Дэлхийн улс орнуудын Хэвлэлийн эрх чөлөөний байдлын 2010 оны тайланг танилцуулжээ.

“Freedom House” 2010 онд 196 улс орны хэвлэлийн эрх чөлөөний болон хэвлэл мэдээллийн хэрэгслийн бие даасан байдлын судалгаанд  үндэслэн улс орнуудын хэвлэлийн эрх чөлөөний түвшинг  ЧӨЛӨӨТЭЙ, ХАГАС ЧӨЛӨӨТЭЙ, ЧӨЛӨӨТЭЙ БУС гэж ангилсан байна. Үүнд  68 орон буюу 35%  нь чөлөөтэй, 65 буюу 33% нь хагас чөлөөтэй, 63 буюу 32% нь  чөлөөтэй бус  ангилалд оржээ.

“Глоб Интернэшнл” төрийн бус байгууллага 2011 оны 5-р сарын 9-ний өдрийн 11.00 цагт “Өдрийн сонин”-ы Асуух эрхийн танхимд Хэвлэлийн бага хурал хийж   “Улаанбаатар таймс” сонины ерөнхий эрхлэгч, сэтгүүлч Д.Чулуунбаатарыг  батлан даалтанд яаралтай гаргахыг шаардаж байгаагаа мэдэгдлээ.