“Глоб Интернэшнл” төрийн бус байгууллага 2011 онд Дэлхийн хэвлэлийн эрх чөлөөний өдрийг Сэтгүүлчдэд ЭРХ ЧӨЛӨӨ!  сэдвийн хүрээнд тэмдэглэн 2011 оны 05-р сарын 02-ны өдрийн 11.00-13.00 цагт Нээлттэй Нийгэм Форумын хурлын танхимд арга хэмжээ зохион байгууллаа.

ЮНЕСКО,  2011 оны Хэвлэлийн эрх чөлөөний өдрийг “21-р зууны хэвлэл мэдээлэл: Шинэ хил хязгаар, Шинэ саад бэрхшээл” сэдвийн дор тэмдэглэхийг уриалж НҮБ-ын ерөнхий нарийн бичгийн дарга Бан Ки-мүүн, НҮБ-ын хүний эрхийн комиссар Нави Пиллей, ЮНЕСКО-гийн ерөнхий захирал Ирина Бокова нар  дэлхийн улс орнуудад хандан ХАМТАРСАН ИЛГЭЭЛТ гаргажээ.

“Глоб Интернэшнл” төрийн бус байгууллага  2009 оноос эхлэн олон нийтэд үнэнийг хэлэхийн төлөө мэргэжлийн эр зориг гаргаж хэвлэлийн эрх чөлөөг баталгаажуулахад оруулсан хувь нэмэр, хичээл зүтгэлийг үнэлэн  сэтгүүлч, хэвлэл мэдээллийн хэрэгслийн ажилтан, байгууллагад олгож байх “Үнэний төлөө” хэвлэлийн эрх чөлөөний шагнал бий болгосон юм.

“Глоб Интернэшнл” ТББ, Хүний эрх хөгжил төв хамтран Швейцарийн Женев хотод төвтэй “Иргэний болон улс төрийн эрхийн төв”-ийн дэмжлэгтэй  “Монгол Улсад Иргэний болон улс төрийн эрхийн тухай олон улсын пактын (ICCPR) хэрэгжилт” сургалт-зөвлөгөөнийг  2011 оны 2-р сарын 16-ны өдөр ННФ-ын хурлын танхимд зохион байгууллаа. 

Сэтгүүлч Б.Галааридын “Мэдлэгийг мөнгө болгоё”, “Хэвлэл улс төрөөр гачигдах уу?” хоёр эмхтгэл хэвлэгджээ.

ЮНЕСКО, Үзэл бодлоо илэрхийлэх эрх чөлөөний олон улсын хоёрдугаар бага хурлыг 2011 оны 1-р сарын 26-27-ны өдрүүдэд Парис хотноо  зохион байгуулсан байна.  Интернетээр үзэл бодлоо илэрхийлэх эрх чөлөө, хэвлэл мэдээллийн ажилтнуудын аюулгүй байдал, дэлхий дахины хэвлэлийн эрх чөлөөний өнөөгийн байдлыг судлахад анхаарлаа хандуулсан энэ хуралд 150 гаруй хүн биечлэн оролцож, 255 гаруй хүн webcast-аар шууд холбогдон оролцжээ.  

Монгол улсын Засгийн газар  “Мэдээллийн ил тод байдал ба мэдээлэл авах эрх, эрх чөлөөний тухай” хуулийн төсөл  боловсруулан 2011 оны 01 дүгээр сарын 21-ний өдөр УИХ-аар хэлэлцүүлэхээр  өргөн барьжээ.

“Глоб Интернэшнл” төрийн бус байгууллага, Монгол Улсын  Их хурлын 2010 оны арванхоёрдугаар сарын 30-ны өдрийн чуулганы нэгдсэн хуралдаанаар баталсан “УИХ-ын чуулганы хуралдааны дэгийн тухай хууль”-ийн  “УИХ-ын үйл ажиллагааг мэдээлэх журам”-д  оруулсан нэмэлт, өөрчлөлт нь сэтгүүлчдэд ялгавартай хандсан, хэвлэл мэдээллийн байгууллагын дотоод хэрэгт хөндлөнгөөс оролцсон шийдвэр болсныг эсэргүүцэж мэдэгдэл гаргалаа.

“Глоб Интернэшнл” ТББ 2010 оны 12 дугаар сарын 22-ны өдрийн 14.00 цагт “Монгол ньюс” компаны байранд  хэвлэлийн бага хурал хийж сэтгүүлчийг эрүүгийн хуулийн гүтгэлэг, доромжлолын зүйл ангиар шийтгэхийг,  хэвлэл мэдээллийн байгууллагын үйл ажиллагааг  бүрэн дампуурч, зогсооход хүргэж болзошгүй их хэмжээний төлбөр нэхэмжилснийг эсэргүүцэж байгаагаа мэдэгдлээ.

"Глоб Интернэшнл" ТББ,  АНУ-ын “Ил тод байдлын төлөөх түншлэлийн сан”-гийн дэмжлэгтэйгээр хэрэгжүүлж буй “Орон нутгийн засаглалын ил тод байдлыг дэмжиж авлигыг бууруулах нь” төслийн хүрээнд “Таны мэдэх эрх” аудио, “Авлигатай тэмцье” богино хэмжээний видео гарын авлагууд бэлтгэлээ.