1991 онд хуралдсан ЮНЕСКО-гийн Ерөнхий бага хурлын 26 дугаар чуулганаас гаргасан Зөвлөмжийн дагуу 1993 онд НҮБ-ын Ерөнхий Ассемблейгаас 5-р сарын 3-ны өдрийг Дэлхийн хэвлэлийн эрх чөлөөний өдөр” хэмээн тунхагласан юм. Хэвлэлийн эрх чөлөөний үндсэн зарчмыг дээдлэх, дэлхий дахинаа энэхүү эрх чөлөө хэрхэн хэрэгжиж буйд үнэлэлт дүгнэль өгөх, хэвлэл мэдээллийн байгууллагын хараат бус байдлыг сахин хамгаалах, ажил үүргээ гүйцэтгэж яваад амь үрэгдсэн сэтгүүлчдийн гэгээн дурсгалыг хүндэтгэхийн тулд жил бүрийн 5-р сарын 3-нд “Дэлхийн хэвлэлийн эрх чөлөөний өдөр”- ийг тэмдэглэдэг болсон юм.

Дэлхийн хэвлэлийн эрх чөлөөний өдрөөр зохион байгуулсан  “Шинэ үе – Шударга сэтгүүл зүй” уулзалт – ярилцлагад оролцсон  сэтгүүлч мэргэжлээр оюутан бэлтгэдэг 20 их, дээд сургуулийн 12-ынх нь багш, оюутнууд  Сэтгүүлч оюутны эвслийн санаачилгыг дэмжин Монголын сэтгүүл зүйг шударга, хариуцлагатай, ёс зүйтэй байлгахын төлөө дуу хоолойгоо нэгтгэн хэвлэл мэдээллийн хэрэгслийн эзэд, удирдлагууд, хууль тогтоох байгууллагад хандан УРИАЛГА гаргасан юм.

Дэлхийн хэвлэлийн эрх чөлөөний өдрийг угтан 4-р сарын 30-нд Монгол улсын Их сургууль, Монгол улсын багшийн их сургууль, Хэвлэлийн хүрээлэнгийн дэргэдэх “Сэтгүүлч” коллеж, “Соёл эрдэм” дээд сургуулийн оюутнууд “Шинэ үе – Шударга сэтгүүл зүй” уулзалт - ярилцлагыг “Глоб Интернэшнл”  төрийн бус байгууллага, Нээлттэй нийгэм форум, Америкийн нэгдсэн улсын Элчин сайдын яам,  ЮНЕСКО, Чөлөөт илэрхийллийн сүлжээний дэмжлэгтэй зохион байгууллаа.

“Глоб Интернэшл” төрийн бус байгууллага Дэлхийн Хэвлэлийн Эрх Чөлөөний Өдөрт (ДХЭЧӨ) зориулсан кампанит ажлыг “Бид үнэнийг хэлэхийг хүсэж байна. Гэвч...” уриан дор олон нийтэд чөлөөт, бие даасан мэдээллийн хэрэгслийн чухлыг ойлгуулах, мэдрүүлэх зорилготойгоор  зохион байгуулж байна.

“Глоб Интернэшнл” ТББ-ын “Ил тод байдлын төлөө түншлэлийн сан”-гийн дэмжлэгтэйгээр хэрэгжүүлж байгаа “Олон нийтийн зөвлөлийг чадавхжуулж авлигыг бууруулах нь” төслийн хүрээнд ОНЗ-ийн гишүүд болон иргэний нийгмийн төлөөллийн хоёр дахь зөвлөлдөх уулзалтыг 2009 оны 04-р сарын 23-нд “Бишрэлт” зочид буудлын уулзалтын танхимд зохион байгуулна.

“Глоб Интернэшнл” ТББ “Ил тод байдлын төлөө түншлэлийн сан”-гийн дэмжлэгтэйгээр хэрэгжүүлж байгаа “Олон нийтийн зөвлөлийг чадавхжуулж авлигыг бууруулах нь” төслийн хүрээнд ОНЗ-ийн гишүүдийг чадавхжуулах 1 өдрийн сургалт 2009 оны 04-р сарын 22-нд “Бишрэлт” зочид буудлын уулзалтын танхимд зохион байгуулна.

10 жилийнхээ ойг тэмдэглэж байгаа “Глоб интернэшнл” төрийн бус байгууллага нь үүсч байгуулагдсан цагаасаа эхлэн үзэл бодлоо илэрхийлэх, хэвлэлийн болон мэдээллийн эрх чөлөөний мөн чанар, зарчим хөгжсөн орнуудад энэ чиглэлээр мөрдөгдөж байгаа хэм хэмжээг сурталчлан таниулах, хуулийн төсөлд иргэд, иргэний нийгмийн байгууллагуудыг татан оролцуулахад тууштай, идэвхитэй үйл ажиллагаа явуулж, иргэний нийгмийн хөгжилд үнэтэй хувь нэмэр оруулж байгаа томоохон байгууллага, хэвлэл мэдээллийн салбарынхны хамгийн ойрын түнш, шадар туслагч болсонд бид баяртай байдаг юм.

Соёл урлаг, хууль эрх зvйн салбараар дамжуулан Монголд ардчилал, иргэний нийгмийг хөхиvлэн дэмжих, мэдээлэл, мэдлэгийн хvчийг тvгээн, ардчилсан соёл болон мэдээлэлтэй, чадавхитай иргэдийг бий болгох хэтийн зорилготой анх 1999 онд үйл ажиллагаагаа эхлүүлж байсан Глоб Интернэшнл ТББ –ийнханд 10 жилийнх нь ойг тохиолдуулан баярын мэнд дэвшүүлье.

Өнөөдөр Глобын баярын өдөр
Үүсэн мэндэлсний арван жилээ
Уригдаж ирсэн та нартайгаа
Учран хөгжилдөж баяраа тэмдэглэе